Vuelta a la Carrasca Zentenaria de Dag Shang Kagyü, Panillo / Graus (Uesca).

Estupa del Templo Budista de Panillo.

Dag Shang Kagyü ye un templo budista ubicau en o norte d'a provinzia de Uesca, en a localidat de Panillo, que pertenexe a la rama d'o budismo tibetano vinculada a los linaches Dagpo y Shangpa Kagyü, más concretamén Karma Kagyü, d'o budismo Vajrayāna.​ Iste templo estió fundau por Kyabye Kalu Rinpoche en 1.984.

Más tarde estió convidau a España por iniziaus en o budismo tibetano y fundó zentros budistas en as prenzipals capitals d'o país. Con o desembolique d'istos, surtió a nezesidat de crear un espazio propizio ta la meditazión y o retiro en l'entorno natural. Kalu Rinpoche plegó a la Ribagorza a zaguers d'os años 1.980, y amán de do se troba actualmén o templo, trobó una carrasca zentenaria en l'alto d'o tozal.

Baixo a suya uembra, Kalu sintió dezidió que aquel puesto sería propizio ta la fundazión d'un templo. Con ista idea emos dezidiu realizar ista chica aszensión seguindo beluns d'os trangos d'este mulle budista.

Templo Budista de Panillo.

Alto d'o tozal d'a Carrasca Zentenaria.

Aproximacion:

Salimos dende a poblazión d'Ainsa (Uesca) nos endrezamos ta lo este en Av. Zentral/N-260 ta C. Cv Muro. Dimpués chiraremos a la dreita ta Av. Sudiera/N-260 de nuevo a la dreita ta Monzón - Fosado Road/HU-V-6442.

Continasenos ta Monzón - Fosado Road.

Travesamos o lugar de Tierrantona ta chirar a la zurda ta la carretera HU-V-6441en direzión Formigales dica plegar a Troncendo. Continamos por a C. Unica ta tornar a salir y continar por HU-V-6441.Veyeremos un cruze emos de chirar a la zurda ta continar por HUV-6441.

Zentro Budista Dag Shang Kagyu será a la dreita. Podremos estazionar o veiclo en una amplia esplanada que o templo abilitau ta rezibir as visitas.

Carrerón d'azeso a la Ermita d'a Collata

Carretera HU-V-6441.

Recorriu:

Una vez estazionemos o veiclo, nos endrezamos a la dentrada d'o Templo Budista y realizamos a visita guiada a lo Templo de Dag Shang Kagyü.

Dag Shang Kagyü ye un templo budista ubicau en o norte d'a provinzia de Uesca, en a localidat de Panillo, que pertenexe a la rama d'o budismo tibetano vinculada a los linaches Dagpo y Shangpa Kagyü, más concretamén Karma Kagyü, d'o budismo Vajrayāna. Iste templo estió fundau por Kyabye Kalu Rinpoche en 1.984, y a suya tutela ye actualmén sustenida por a suya reencarnazión, Yangsi Kalu Rinpoche.

Ye a prenzipal sitio d'o linache Shagpa Kagyu en Europa.​ Con tot y con ixo, Dag Shang Kagyü s'encuadra en o movimiento Rimé, u no-sectario, que respeta totas as tradizions y las reconoxe como caminos valius ta la consecuzión d'a realizazión espiritual suprema.

Ermita d'a Virchen d'a Collata.

Ermita d'a Virchen d'a Collata.

Dezaga de rematar a visita guiada a lo templo, dezidimos puyar dica o tozal do se i aiga a Carrasca Zentenaria, do o Lama Kalu Rinpoche plegó a la Ribagorza a zaguers d'os años 1.980. Do trobó una carrasca zentenaria en l'alto d'o tozal. Baixo a suya uembra, Kalu sintió dezidió que aquel puesto sería propizio ta la fundazión d'un templo ta lo linache Kagyu. Con o refirme de muitos d'os suyos disziplos, s'adquirió un terreno en Panillo, do s'ubicaba una masía de meyaus d'o sieglo XIX que ye l'autual aloxamiento.​

Dende a dentrada a lo Templo budista cruzamos a carretera HU-V-6441 en busca de l'inizio d'un carrerón chusto pasada a estatua d'o monche chetau a la suya dreita. Veyeremos as marcas de pintura de color verda-blanca de SL (Carrerón Local) con bel siñal indicativo "Collata".

Nos adentramos y encomenzamos a aszender por una zona boscosa rodiaus de Robles (Quercus robusta), Pinos (Pinus) y gran variedat de masa arbustiva.

Alto d'o tozal d'a Carrasca Zentenaria.

Ermita d'a Virchen d'a Collata.

Dezaga de puyar atrives ista selva tornamos a salir chunto a carretera HU-V-6441, seguiremos as indicazions ta "A Collata", pasiando por o canto a la marguin dreita d'o gudrón.

A lo poco veyeremos ya a chica Ermita d'a Virchen d'a Collata y enfrontine ya o nuestro objetivó en l'alto d'un tozal a Carrasca Zentenaria do reposo o monche budista  Kalu Rinpoche.

A Ermita d'a Virchen d'a Collata, ye una chica edificazión de planta rectangular, sin abside, con un chico portegau en a dentrada, ista pertenexe a pedanía de Pano.

Ermita d'a Virchen d'a Collata.

Carretera HU-V-6441.

Camino d'a Carrasca Zentenaria Dag Shang Kagyü.

Pano ye una localidat perteneixién a lo munizipio de Graus, en a Ribagorza, provinzia de Uesca.endrezau ta la val d'a Fueva. Actualmén se troba en prozeso de reconstruzión por a Fundazión Pano, con caracteristicas d'ecoaldea.

Seguntes antigas cronicas, Pano ya sirvió de refuchio a cristians entre la Reconquista, en o sieglo VIII. Pano mantenió o dople contacto cristiano-arabe entre tot o sieglo X, sito como yera en a mesma linia divisoria d'o Graus musulmán y A Fueva (a lo norte de Pano) cristiana.

A primers d'o sieglo XI, Sancho o Mayor s'asegura a soberanía d'os condaus de Sobrarbe y Ribagorza y fa construyir, bella cosa por alto de Pano, un castiello con o nombre de "Sancti Joannis". O suyo suzesor, Ramiro I d'Aragón, fundó a lo piet d'ista fortaleza, o monesterio San Juan de Pano.

Mientres que d'o castiello de Pano (uei clamau castiello de Paniello) nomás quedan cualques sillares d'os alasets.

D'o monesterio nomás queda una a ermita de Santo Antón uei en día declarada Bien d'Intrés Cultural, que ye bien conservada. 

O lugar yera en absoluta ruina y abandono dezaga d'a emigrazión d'os años 50 y 60 d'o sieglo XX. Ye estando reabilitau por a Fundazión Pano, liderada por Kurt Fridez, un notable politico y empresario Suizo que dezidió tresladar-se y fer un cambio radical en a suya vida, enamorau d'iste parache. A traviés d'a Fundazión Pano se ye reconstruyindo a ilesia parroquial de Santo Miquel, d'o sieglo XVI.

Pre Zima d'a Carrasca Zentenaria Dag Shang Kagyü.

Carrasca Zentenaria Dag Shang Kagyü.

Continamos o nuestro camino, seguimos por a carretera HU-V-6441, en direzión Troncendo, pasaremos de largo un esbarró que mete "Finca Privada - No trango", A la marguin zurda en as fazeras veyeremos a poblazión de Pano, que se troba tasamén un kilometro de distanzia dende a nuestra posizión. Pero la vesitaremos en unatra ocasión.

Seguimos uns 100 metros pero bordiando a carretera, dica veyer cuantos fitos de piedras que marca o carrerón a seguir ta plegar dica a Carrasca Zentenaria.

 Guti & Ruben - Carrasca Zentenaria Dag Shang Kagyü.

Zima d'a Carrasca Zentenaria Dag Shang Kagyü.

Lugarón de Panillo.

Dezaga d'ir puyando por un terreno pedregoso, a lo poco plegamos a la zima do se troba a venerada Carrasca Zentenaria do o monche budista, baixo a suya uembra, Kalu sintió dezidió que aquel puesto sería propizio ta la fundazión d'un templo ta lo linache Kagyu.

A carrasca ista decorada con banderas tibetanas ta la orazión y diversas pilas de piedras cualques pintadas y atrapaziatas.

As vista son increyibles, un puesto do s'alienta paz y susiego.

Dende aquí podremos veyer  tota a estensión u terrenos d'o Templo Budista de Panillo, O Niedo d'a Milorcha, y tota a esplendor verda d'a val de Panillo.

Zima d'a Carrasca Zentenaria Dag Shang Kagyü.

Croquis d'a Rota a la Carrasca Zentenaria de Dag Shang Kágyü, Panillo /Graus (Uesca).

Ficha tecnica:

Grau de Dificultat: Baxo.

Tiempo / Orario:  40 menutos. 

Desnivel / Conduta masima: 842 m. a  1.206 m.

Uso: sí.

Uso autual: senderismo, patrimonio natural d'as UNESCO,  espazio protechiu d'intrés natural, relichioso, cultural y istorico, etc.

Estau: bueno

Siñalizazión: Buena. (Siñals indicativos, fitos de piedras y bel plafón esplicativo).

Puestos de valor: Templo Budista de Panillo, Ermita d'a Virchen d'a Collata (Pano), Pano, Carrasca Zentenaria, etc. 

Epoca: Tot l'año, en verano evitar as oras de pero calor y en ibierno precurar ir abrigaus. Levar ropa y calzau adecuau. Augua.

Alto d'o tozal d'a Carrasca Zentenaria.

Templo Budista de Panillo.

A tornada lo realizamos tornando sobre os nuestros trangos dica o Templo Budista de Panillo. Do tenemos estazionau o vehiculo. Pero dinantes femos una parada y minchar cualques d'os platos que realizan en o restaurán d'o Templo. Fin d'a escursión.

D'o buen minchar...